Almatyda belgisiz bireýler halyq kóp jınalatyn jerde ótkir ıisti ballon shashqan

<p>ALMATY. KAZINFORM - Almatyda belgisiz bireýler halyq kóp jınalatyn Arbatqa kóz ashytatyn ótkir ıisti buryshty ballondy shashyp jibergen.</p>

Bul týraly aqparat Telegram-arnalardyń birinde paıda boldy.

Beınejazbadan adamdardyń tunshyǵyp, jótelip jatqanyn kórýge bolady. 

Qalalyq Polıtsııa departamenti atalǵan fakti boıynsha tergeý júrgizilip jatqanyn habarlady.

«Qoǵamdyq orynda burysh ballondy shashqan buzaqynyń kim ekeni anyqtalyp jatyr. Ol mindetti túrde jaýapqa tartylady», - dep habarlady qalalyq Polıtsııa departamentiniń baspasóz qyzmeti.