Almatyda Baıqadamov pen Gagarın kósheleriniń qıylysy jabylady
19 shilde túngi saǵat 23:00-den 22 shilde tańǵy saǵat 9:00-ge deıin Baıqadamov pen Gagarın kósheleriniń qıylysy eki baǵytta da jabylady.
«1984 jyly paıdalanýǵa berilgen, atalǵan kósheniń júris bóliginiń astynan ótetin uzyndyǵy 1 220 metr qubyrdy rekonstrýktsııalaý ýchaskesinde josparly jumystardy júrgizý qaýipsizdigin qamtamasyz etý úshin ýaqytsha shekteýler engiziledi», - dep habarlady «Almaty jylý jelileri» JShS.
Bul qubyr 97 kóppáterli turǵyn úıdi, 12 jeke úı, 4 balabaqsha, 2 densaýlyq saqtaý obektisin jáne ózge de 27 nysandy jylýmen jáne ystyq sýmen qamtamasyz etedi. Joǵaryda kórsetilgen tutynýshlar rekonstrýktsııa kezinde ystyq sýmen jabdyqtalady.
«Ýaqytsha qolaısyzdyqqa túsinistikpen qaraýdy jáne kórsetilgen ýchaskeni aınalyp ótý joldaryn aldyn ala qarastyrýdy suraımyz», - dep habarlady Almaty jylý júıesi.
Aıta keteıik, bıyl megapolıste uzyndyǵy 250 shaqyrym bolatyn 274 kóshege ortasha jóndeý jumystaryn júrgizý josparlanǵan.