Almatyda Baıqadamov kóshesi kúzge deıin jabylady
«Almaty jylý jelileri» jaýaprkershiligi shekteýli seriktestiginiń málimetinshe, 12 maýsym men 15 qyrkúıek aralyǵynda Baıqadamov kóshesinde Rozybakıev kóshesinen Gagarın dańǵylyna deıin, sondaı-aq Radostovets kóshesinde Baıqadamov kóshesinen Jýravlev kóshesine deıin kólik qozǵalysy shekteledi.
«Qozǵalys eki jaqqa da jabylady. 1984 jyldan bastap paıdalanýǵa berilgen, atalǵan kósheniń júris bóliginiń astynan ótetin jalpy uzyndyǵy 1220 metr qubyrdy qaıta jańartý ýchaskesinde josparly jumys júrgizý qaýipsizdigin qamtamasyz etý úshin ýaqytsha shekteý engiziledi. Bul qubyr 97 kóppáterli turǵyn úıdi, 12 jeke úıdi, 4 balabaqshany, 2 densaýlyq saqtaý nysanyn jáne 27 ózge de nysandy jylýmen jáne ystyq sýmen qamtamasyz etedi. Atalǵan aýmaqtaǵy tutynýshylarǵa rekonstrýktsııa kezinde ystyq sý berý toqtatylmaıdy», — dep túsindirdi «Almaty jylý jelileri» JShS.
Aıta keteıik, bıyl megapolıste uzyndyǵy 250 shaqyrym bolatyn 274 kóshege ortasha jóndeý jumystaryn júrgizý josparlanǵan.