Almatyda báıgeden Qazaqstan chempıonatynyń irikteý kezeńi ótedi
Jarysqa elimizdiń úzdik shabandozdary qatyspaq. Saıys «Qunan báıge», «Top báıge», «Alaman báıge» jáne «Jorǵa Jarys» atty báıgeniń 4 túri boıynsha ótedi. Sonymen qatar sporttyq saıys aıasynda áıelder arasynda «Ulttyq sezim» atty ulttyq kıimder baıqaýy ótedi. Bul – qyzdarǵa ulttyq kıimmen ózin kórsetý arqyly óz stıli men sulýlyǵyn kórsetýge tamasha múmkindik.
Aıta ketken jón, báıgeden Qazaqstan chempıonatynda úzdik atanǵan shabandozdar 2024 jyldyń 8-14 qyrkúıegi aralyǵynda Astanada ótetin Dúnıejúzilik kóshpendiler oıyndaryna qatysady. Jarysqa álemniń 100-den astam elinen 3000-ǵa jýyq qatysýshy keledi dep josparlanǵan. Dúnıejúzilik kóshpendiler oıyndarynda at jarysy, ulttyq kúres túrleri, dástúrli zııatkerlik oıyndar, jekpe-jekten jarystar, dástúrli sadaq atý, qus salýdyń ulttyq túrleri, at ústindegi saıystar, halyq oıyndary, sondaı-aq etnıkalyq sport túrlerinen kórsetilim qoıylymdary ótedi.