Almatyda Batys Jeltoqsan kóshesi jabyldy

<p>ALMATY. KAZINFORM &ndash; Almatyda 24 sáýir men 31 mamyry aralyǵynda Batys Jeltoqsan kóshesiniń M. Gandı kóshesinen Tımırıazev kóshesine deıingi aralyǵynda kólik qozǵalysy ishinara shekteledi.</p>

Ýaqytsha shekteýler magıstraldyq qubyrdy aýystyrý jáne jol tósemin ortasha jóndeý qajettiligine baılanysty engizildi. 

Almaty ákimdiginiń málimetinshe, qyzmet normatıvterine sáıkes eseptelgen ýchaske 1992 jyldan beri qoldanysqa engen. Monıtorıng kezinde keıingi bes jylda munda 17 ret aqaý bolǵan.

«Qubyrdy jóndeý jumystary kezinde kún saıyn saǵat 07:00-den 22:00-ge deıin Batys Jeltoqsan kóshesi boıynsha kólik qozǵalysy soltústik baǵytta bir jaqty bolady. Kún saıyn saǵat 22.00-den 07.00-ge deıin jáne demalys kúnderi qozǵalys eki jaqqa da jabylady. Gandı kóshesinen ońtústik baǵytta ál-Farabı dańǵylyna shyǵatyn jol Qozybaev kóshesi boıynsha uıymdastyrylady»,- dep habarlady ákimdikten.

2 mamyrdan bastap qalalyq mobıldilik basqarmasy ál-Farabı dańǵylynan Tımırıazev kóshesine deıin Batys Jeltoqsan kóshesinde ortasha jóndeý jumystaryn bastaıdy.

«Eń aldymen trotýarlar men aryq jelileri jóndeledi, búlingen jıekter ishinara aýystyrylady, sodan keıin asfalt jabyny frezerlenedi. Qubyrdy jáne asfalt jabynynyń tómengi qabatyn tósegennen keıin joldyń búkil enine polımerdi qoldana otyryp, asfaltbeton tóseý júrgiziledi»,- dep atap ótti ákimdik.

Qozǵalys tolyǵymen 1 maýsymǵa deıin qalpyna keltiriledi.

Ákimdik júrgizýshilerden májbúrli qolaısyzdyqtarǵa túsinistikpen qarap jáne kórsetilgen ýchaskeni aınalyp ótý joldaryn aldyn ala qarastyrýdy suraıdy.