Almatyda bastaýysh synyptarǵa shahmat páni oqytylady
13:30, 28 Tamyz 2024
<p>ALMATY. KAZINFORM – Almatyda qalalyq Máslıhatynyń kezekti XXII sessııasy ótti. Sessııa barysynda Almaty qalasynyń 2024-2026 jyldarǵa arnalǵan bıýdjetine ózgerister engizý máselesi talqylandy.</p>
Almaty qalasy Qarjy basqarmasynyń basshysy Qanat Sýhambekov bıýdjetti naqtylaý sheńberinde bilim berý salasyn qarjylandyrý 6,7 mlrd teńgege ulǵaıtýdy usyndy. Onyń ishinde bastaýysh synyptarǵa shahmat pánin oqytý úshin 49,2 mln teńge bólý qajet ekenin aıtty.
«Shahmatty damytýdyń 2023-2027 jyldarǵa arnalǵan Keshendi josparyn iske asyrý maqsatynda jańa oqý jylynan bastap qalanyń 41 mektebiniń bastaýysh synyptarynda shahmat pánin oqý baǵdarlamasyna engizý josparlandy. Osy maqsattarǵa 49,2 mln teńge bólinedi, - dedi ol.
Almaty máslıhatynyń depýtattary 2024-2026 jyldarǵa arnalǵan bıýdjetke ózgeris engizýge oń daýys berdi.
Eske salaıyq, buǵan deıin Almatydaǵy Saıran kóliniń jaǵalaýyn abattandyrýǵa 4 mlrd teńge bólinetinin jazǵanbyz.