Almatyda baraholka mańynda órt shyqty

<p>ALMATY. KAZINFORM &mdash; Almatyda baraholka mańyndaǵy jeke úıden órt shyqty.</p>

Onyń vıdeosy áleýmettik jelide tarady. 

Almaty qalalyq Tótenshe jaǵdaılar departamentiniń málimetinshe, 5 sáýir saǵat 10: 03 mınýtta órt sóndirýshiler Alataý aýdany, Bııanhý kóshesi boıynsha shaqyrtýǵa shyqty.

«Órt sóndirý brıgadasy kelgen kezde jeke turǵyn úı shatyrynyń astynda ornalasqan taýar janyp, órt kórshi úıdiń shatyryna, sondaı-aq Bıanhý kóshesi boıynda ornalasqan kórshiles sharýashylyq úı-jáılaryna tarap úlgergen», - dep habarlady departamentten. 

Órt 250 sharshy metr aýmaqty sharpyǵan. Órt sóndirýshiler sol jerden 2 gaz ballonyn alyp shyqty.

«Qazir órt sóndirildi. Qabyldanǵan sharanyń arqasynda órttiń kórshi úıge taralý qaýpi joıyldy», - dep atap ótti vedomstvodan.