Almatyda balalarǵa arnalǵan baspa basylymdaryn damytý máseleleri talqylandy

<p>Mádenıet jáne aqparat mınıstri Aıda Balaeva balalarǵa arnalǵan baspa basylymdarynyń redaktorlarymen kezdesti. <a href="Kazinform." target="_blank" rel="noopener">Kazinform</a> bul týraly Mádenıet jáne aqparat mınıstrliginiń baspasóz qyzmetine silteme jasap habarlaıdy.&nbsp;</p>

Búgin Almatyda «Shyǵarmashylyq zııaly qaýym – Qazaqstan balalaryna» atty Oqý-aǵartý mınıstri Ǵanı Beısembaev, aqyn-jazýshylar, balalarǵa arnalǵan baspa basylymdarynyń bas redaktorlary, Qazaqstan Jýrnalıster odaǵy men Qazaqstan Jazýshylar odaǵynyń ókilderi, Almaty qalalyq bilim basqarmasynyń ókilderi, respýblıkalyq kitaphana dırektorlarynyń qatysýymen kezdesý ótti. 

QR Mádenıet jáne aqparat mınıstri baspa basylymdar arqyly óskeleń urpaqtyń óner, bilim, ǵylym men ádebıetke degen qyzyǵýshylyǵyn arttyrýdyń mańyzdylyǵyn atap ótti.

Mınıstr jıynda balalar kontentin qurý kezinde zamanaýı tehnologııalar men kreatıvti ıdeıalardy qoldaný qajettiligine nazar aýdardy.

Qatysýshylar balalar men balalar ádebıeti ındýstrııasy úshin zamanaýı qazaqstandyq jýrnalıstıkany damytý, olardyń damýy úshin baspa basylymdarynyń rólin arttyrý, kreatıvti kontent jasaýdyń ózekti máselelerin talqylady.

Sondaı-aq «Aıgólek» jýrnalynyń bas redaktory Qymbat Ábildaqyzy, «Jeti álem» jýrnalynyń bas redaktory Orazhan Jaqyp, balalar ádebıeti Keńesiniń tóraǵasy Aqysh Nurdáýlet pikirlerimen bólisti.

Kezdesý nátıjesinde balalar men jastarǵa arnalǵan týyndylar jasaıtyn shyǵarmashylyq ıntellıgentsııany qoldaý, kreatıvti ındýstrııa aıasynda balalar basylymdaryna arnalǵan jobalardy uıymdastyrý, Ákeler forýmy men Ata-analar forýmynda balalar taqyrybyna arnalǵan jeke sektsııa ótkizý týraly sheshim qabyldandy.