Almatyda bala jetektegen áıeldi avtobýs qaǵyp ketti

<p>ALMATY. KAZINFORM &ndash; Almatyda baǵdarshamnyń jasyl túsine joldy kesip ótken ana men balany avtobýs qaqty.</p>

Almaty qalalyq polıtsııa departamentiniń málimetinshe, oqıǵa búgin tańǵy ýaqytta qalanyń Medeý aýdanynda bolǵan.

«Avtobýs júrgizýshisi Raıymbek dańǵyly boıymen shyǵys baǵytta kele jatyp, Qonaev kóshesine ońǵa qaraı burylǵan kezde bala jetektegen áıeldi qaǵady. Olar shyǵys baǵytta baǵdarshamnyń jasyl túsine jol bóliginen ótip bara jatty. Áıel sol jerdegi jaqyn aýrýhanalardyń birine jetkizildi. Bala zardap shekken joq. Oqıǵanyń mán-jaıyn Medeý aýdandyq polıtsııa basqarmasy anyqtap jatyr», - dep habarlady Almaty qalalyq polıtsııa departamentiniń baspasóz qyzmeti.