Almatyda áıeldi urǵan mopedshige qatysty is qozǵaldy

<p>ALMATY. KAZINFORM &ndash; Almatyda moped júrgizýshisi ózine eskertý aıtqan áıeldi uryp jiberdi. Oqıǵanyń beınejazbasy áleýmettik jelide tarady. Onda oqıǵa 15 shilde kúni 23:00de Áýezov aýdanynda bolǵany aıtylǵan.</p>

Polıtsııa departementi atalǵan jaǵdaıǵa baılanysty qylmystyq is qozǵalyp, kúdikti izdestirilip jatqanyn habarlady.

— Bul derek boıynsha jábirlenýshi polıtsııaǵa búgin aryzdanǵan. Atalǵan derekke qatysty qylmystyq is qozǵaldy. Moped júrgizýshisiniń jeke basyn anyqtap, jaýapkershilikke tartý boıynsha keshendi sharalar júrgizilip jatyr. Alǵan jaraqatynyń aýyrlyǵyn anyqtaý maqsatynda sot-medıtsınalyq saraptama taǵaıyndaldy, — deıdi qalalyq PD baspasóz qyzmeti.

Eske salaıyq, buǵan deıin Almatyda burynǵy áıelin urǵan er adamǵa qatysty sot úkimi shyqqanyn jazǵanbyz.