Almatyda áıeldi óltirip, basyn kesip alǵan er adam 20 jylǵa sottaldy

<p>Almaty qalalyq qylmystyq ister jónindegi mamandandyrylǵan aýdanaralyq sotynda áıeldi óltirip, denesin bólshektep tastady dep aıyptalǵan er adamǵa qatysty sot úkim shyqty dep, habarlaıdy QazAqparat tilshisi.</p>

Tergeý organy oǵan QR QK-niń 99 baby ekinshi bóliginiń 5 - tarmaǵy boıynsha, ıaǵnı asqan qatygezdikpen qasaqana kisi óltirý faktisi boıynsha aıyp taqty.

«Alqabıler men sot úkimine sáıkes I. asqan qatygezdikpen qasaqana kisi óltirgeni úshin kináli dep tanylyp, oǵan 20 jyl bas bostandyǵynan aıyrý jazasy taǵaıyndaldy. Ol jazasyn qaýipsizdigi ortasha qylmystyq atqarý júıesi mekemesinde óteıdi»,- dep habarlady qalalyq sottan.

Sottalýshy óz kinásin moıyndap, jasaǵan isine ókinetinin aıtty.

Úkim zańdy kúshine engen joq.

Eske salaıyq, 12 sáýir saǵat 08:40-te 102 pýltine Sholohov kóshesindegi qaraýsyz qalǵan ǵımarattyń janynan áıeldiń máıiti tabylǵan bolatyn.

 

1976 jyly týǵan, turǵylyqty jeri joq, buryn esirtki qylmysy úshin birneshe ret sottalǵan áıeldiń basyn kesip alynǵany anyqtaldy.

Biraz ýaqyttan keıin sol mańdaǵy saýda oryndarynyń birinen máıittiń basy tabyldy.

Keıin 61 jastaǵy kúdikti er adam ustalyp, sot sanktsııasymen qamaýǵa alyndy.

Kúdiktiniń jábirlenýshimen birneshe kúnnen beri tanys bolǵany, qylmystyń janjal kezinde jasalǵany belgili boldy.