Almatyda avtokólik shyǵaryndylarynyń ýly zattaryn ólsheýge arnalǵan «Taza aýa» aktsııasy ótip jatyr
Bul bastamanyń maqsaty – avtokólik shyǵaryndylaryndaǵy ýly zattar men tútin deńgeıin baqylaý. Bul megapolıs úshin óte mańyzdy. Sebebi aýanyń lastanýynyń edáýir bóligi kólik shyǵaryndylaryna baılanysty.
Qazan aıynyń basynan bastap Polıtsııa departamentiniń qyzmetkerlerimen birlesip, kóshpeli ekologııalyq beketterde 628 kólik tekserildi. Tekserý qalanyń ártúrli aýdandarynda, sonyń ishinde ortalyq kósheler men shet aımaqtardy qamtyp otyr. Monıtorıng ruqsat etilgen ekologııalyq normalardan asyp ketken kólikterdi anyqtaýǵa kómektesedi, bul aýanyń sapasyna áser etedi. Monıtorıng nátıjesinde 263 kóliktiń shyǵaryndylaryndaǵy ýly zattar men tútin deńgeıi belgilengen normadan asqany anyqtaldy. Bul tekserilgen kólikterdiń 42%-yn quraıdy. Bul avtovladeltser arasynda ekologııalyq jaýapkershilikti arttyrý jáne baqylaýdy qatańdatý qajettiligin kórsetedi.
Tekserý nátıjesinde ýákiletti organdar 202 ákimshilik hattama toltyryp, 123 quqyq buzýshyǵa aıyppul saldy. Mundaı sharalar qaladaǵy ekologııalyq jaǵdaıdy jaqsartýǵa baǵyttalǵan mańyzdy qadam bolyp tabylady.
Sonymen qatar, Ákimshilik quqyq buzýshylyq týraly kodekske sáıkes, ruqsat etilgen shyǵaryndylar normasynan edáýir asyp ketken 9 avtokóliktiń memlekettik nómirleri ýaqytsha tárkilendi. Bul kólikter anyqtalǵan aqaýlar joıylǵanǵa deıin paıdalanýǵa jiberilmeıdi.
Atalǵan sharalar Almatydaǵy ekologııalyq ahýaldy jaqsartýdaǵy mańyzdy qadamdardyń biri bolady dep josparlanǵan.
Eske sala keteıik, Almatyda «Almaty – bizdiń ortaq úıimiz» atty kúzgi naýqan ótip jatyr. Onyń aıasynda qalada kúzgi-qysqy kezeńge belsendi daıyndyq júrgizilgen. Naýqan qalany abattandyrý jáne qalalyq ortany jaqsartýǵa baǵyttalǵan kóptegen ekologııalyq aktsııa men bastamalardy qamtıdy.