Almatyda avtobýs júrgizýshisine shabýyl jasaǵan kúdikti ustaldy

<p>ALMATY. KAZINFORM - Almatyda qoǵamdyq kólik júrgizýshisine jolaýshy shabýyl jasaǵan.&nbsp;</p>

Janjal nátıjesinde salon ishindegi júrgizshi esiginiń áınegi synǵan. Jelidegi málimetke sáıkes, oqıǵa №120 avtobýsta bolǵan.

Almaty qalasynyń Polıtsııa departamenti júrgizýshige shabýyl jasaǵan kúdikti ustalǵanyn habarlady.

- Bul derek boıynsha Áýezov aýdandyq polıtsııa basqarmasy tergeý amaldaryn júrgizip jatyr. Quqyq buzýshynyń jeke basy anyqtalyp, qamaýǵa alyndy. Kúdiktiniń áreketine quqyqtyq baǵa beriletin bolady, - dep habarlady qalalyq PD baspasóz qyzmetinen.

Eske salaıyq, byltyr Almatyda №47 baǵyttaǵy qoǵamdyq kóliktiń ishinde jolaýshy janjal shyǵaryp, júrgizýshi áıeldi urǵan edi. Saldarynan áıel esinen tanyp, kólikti basqara almaı, aıaldamada turǵan bir top adamdy qaqqan bolatyn. Atalǵan oqıǵadan 7 adam zardap shegip, 3 adam qaıtys bolǵan.

Bıyl sáýir aıynda 3 adamnyń ómirin qıǵan avtobýs apatyna qatysty sot úkimi shyqty. Sot Darhan Ahmetjanovty 8 jylǵa bas bostandyǵynan aıyrdy.