Almatyda avtobýs júrgizýshisin urǵan jolaýshyǵa qatysty qylmystyq is qozǵaldy

<p>Búgin Almatyda qoǵamdyq kóliktiń ishinde jolaýshy janjal shyǵaryp, júrgizýshi áıeldi urǵan. Saldarynan áıel esinen tanyp, kólikti basqara almaı, aıaldama turǵan <a href="https://kaz.inform.kz/news/almatida-avtobus-ayaldamada-turgan-br-top-adamdi-kagip-kett-kaza-tapkandar-bar-b5b65a/" target="_blank" rel="noopener">adamdardy qaqqan.</a></p>

Al avtobýs júrgizýshisin urǵan er adam ustalyp, qamaýǵa alyndy, dep habarlaıdy Kazinform.

«Avtobýs júrgizýshisin urǵan er adamǵa qatysty QR QK 293-baby (Buzaqylyq) jáne QR QK 351-baby (eki jáne odan da kóp adamnyń ólimine ákep soqqan kóliktiń qaýipsiz jumysyn qamtamasyz etetin erejelerdi buzý) boıynsha qylmystyq is tirkeldi. Ol polıtsııa departamentiniń ýaqytsha ustaý ızolıatoryna qamaldy», - dep habarlady qalalyq polıtsııa departamentiniń baspasóz qyzmeti.

Aıta keteıik, Almatyda aıaldamada bolǵan apattyń saldarynan 7 adam zardap shekti. Jedel medıtsınalyq qyzmet kelgenshe úsheýi qaıtys boldy.

Úsh eresek adamǵa jabyq bassúıek-mı jaraqaty, mı shaıqalýy, bireýine sol jaq jambas súıeginiń synyǵy dıagnozy qoıylyp, N7 qalalyq klınıkalyq aýrýhanaǵa jatqyzyldy. Tórtinshi zardap shekken 15 jastaǵy bala sol taban súıekteriniń synýy dıagnozymen N2 qalalyq balalar klınıkalyq aýrýhanasyna jatqyzyldy. Avtobýsty júrgizgen áıelge jabyq bassúıek-mı jaraqaty, mı shaıqalýy dıagnozy qoıyldy. Zardap shekkenderge psıhologııalyq jáne ózge de qajetti medıtsınalyq kómek tolyq kólemde kórsetilip jatyr.