Almatyda avtobýs júrgizýshisin urǵan er adam qamaýǵa alyndy

<p>ALMATY. KAZINFORM &ndash; Almatyda qoǵamdyq kólikti tizgindegen júrgizýshini urǵan jolaýshy qamaýǵa alyndy.&nbsp;</p>

Almaty qalalyq polıtsııa departamentiniń málimetinshe, 11 sáýir tańǵy 08:00 shamasynda № 98-baǵyttaǵy avtobýs júrgizýshisi men jolaýshy arasynda janjal shyqty.

«38 jastaǵy jolaýshy qoǵamdyq tártipti buzyp, kólik júrgizýshisine dene jaraqatyn salǵan. Kúdikti ustalyp, ýaqytsha ustaý ızolıatoryna qamaldy. Buzaqylyq deregi boıynsha qylmystyq is qozǵaldy. Saraptama taǵaıyndaldy. Kúdikti ózin qorǵaý úshin jumysqa keshigip bara jatqandyqtan júrgizýshiden tezirek júrýin suraǵanyn aıtty», - deıdi Bostandyq aýdandyq polıtsııa basqarmasynyń bastyǵy Dıdar Ahanov.

Aıta keteıik, byltyr da Almatyda №47-shi baǵyttaǵy qoǵamdyq kóliktiń ishinde jolaýshy janjal shyǵaryp, júrgizýshi áıeldi urǵan edi. Saldarynan áıel esinen tanyp, kólikti basqara almaı, aıaldamada turǵan bir top adamdy qaqqan bolatyn. Atalǵan oqıǵadan 7 adam zardap shegip, 3 adam qaıtys bolǵan.