Almatyda avtobýs órtendi
13:45, 27 Aqpan 2024
<p>ALMATY. KAZINFORM – Almatylyq órt sóndirýshiler otqa oranǵan avtobýsty sóndirdi.</p>
Almatyda otqa oranǵan avtobýstyń vıdeosy jelige shyqty.
Almaty qalalyq TJD-nyń málimetinshe, qaladaǵy Alataý aýdanynyń qutqarýshylary saǵat 11:45-te «Qarasý» shaǵyn aýdanynda órtengen avtobýsty sóndirýge jiberildi.
Qutqarýshylar saǵat 11:53-te jetti, avtobýs salonynda jolaýshylar bolǵan joq. Jalyn sharpyǵan aýmaq 10 sharshy metrdi qurady, órt saǵat 12.00-de sóndirildi. Qaza tapqandar men zardap shekkender bolǵan joq. Órttiń shyǵý sebebi anyqtalýda.
Órtti sóndirýge qalalyq TJD-nyń 10 adamy men 2 tehnıkasy jumyldyryldy.