Almatyda avtobýs gaz qubyry men baǵdarshamǵa soǵylyp, jaıaý júrginshini qaǵyp ketti

<p>Almatyda avtobýs júrgizýshisi rýlge ıe bola almaı baǵdarsham men gaz qubyryna soǵylyp, jaıaý júrginshini qaǵyp ketti, dep habarlaıdy <a href="Kazinform" target="_blank" rel="noopener">Kazinform</a>.</p>

Oqıǵanyń vıdeosy áleýmettik jelide tarady. Beınejazbadan №100 jolaýshylar avtobýsy joldyń shetine shyǵyp ketkenin kórýge bolady.

Almaty qalalyq Polıtsııa departamentiniń málimetinshe, jol-kólik oqıǵasy 23 qazan kúni túski saǵat 12:00 shamasynda Medeý aýdanynda boldy.

«Foton» avtobýsynyń júrgizýshi Halıýllın kóshesimen batys baǵytta kele jatyp Táttibekov kóshesiniń qıylysynda rýlge ıe bola almaı, jol jıegine shyǵyp baǵdarsham men gaz qubyryna soǵyldy», - dep habarlady departamentten.

Jol apaty saldarynan 59 jastaǵy jaıaý júrginshi zardap shekti. Ol aýrýhanaǵa jetkizildi.

«Bul fakti boıynsha Medeý aýdandyq polıtsııa basqarmasy tekserý jumystaryn bastady. Tıisti saraptamalar taǵaıyndalady, mán-jaı anyqtalýda», - dep atap ótti vedomstvodan.