Almatyda avtobýs aıaldamaǵa soǵylyp, bir áıel japa shekti

<p>Almatyda rólge ıe bola almaǵan avtobýs júrgizýshisi aıaldamaǵa soǵyldy, dep habarlaıdy Kazinform.</p>

Áleýmettik jelige shyqqan vıdeoda 11 jeltoqsan kúni Aqan seri kóshesimen kele jatqan №73 avtobýstyń aıaldamaǵa soǵylǵany jazylǵan.

Almaty qalalyq polıtsııa departamentiniń jergilikti polıtsııa qyzmetiniń málimetinshe, jol apaty 11 jeltoqsan saǵat 20:28-de Túrksib aýdanynda bolǵan.

"Golden Dragon markaly avtobýsty júrgizgen 1991 jylǵy K. esimdi azamat Aqan seri kóshesimen ońtústik baǵytta kele jatyp, rólge ıe bola almaı kedergige soǵylǵan. Jol apaty nátıjesinde bir áıel medıtsınalyq kómekke júgindi" - dep habarlady qalalyq polıtsııa departamentiniń baspasóz qyzmeti.

Jol apaty deregin Túrksib aýdanynyń polıtsııa basqarmasynyń qyzmetkerleri tekserip jatyr.