Almatyda avtobýs apaty nege jıiledi
Elimizdiń ońtústik astanasynda sońǵy jyldary avtobýstyń apatqa ushyrap, adamdardyń qaıtys bolý faktileri kóbeıdi. Almaty qalasy polıtsııa departamentiniń málimetine sáıkes, megapolıste 4 jylda bolǵan 920 jol-kólik oqıǵasyna qoǵamdyq kóliktiń qatysy bar.
• 2021 jyly jalpy 264 JKO, qaıtys bolǵandar — 9; jaraqat alǵandar — 344.
• 2022 jyly jalpy 208 JKO, qaıtys bolǵandar — 7; jaraqat alǵandar — 318.
• 2023 jyly jalpy 314 JKO, qaıtys bolǵandar — 6; jaraqat alǵandar — 357.
• 2024 jyldyń 6 aıynda 134 JKO; qaıtys bolǵandar — 3; jaraqat alǵandar — 167.
Aıtylǵan jol-kólik oqıǵalarynyń ishinde halyq arasynda keńinen rezonans týdyrǵan mysaldardy eske alaıyq.
2022 jyly 8 qarasha kúni Almatyda Tóle bı — Abylaı han kósheleriniń qıylysynda eki avtobýs soqtyǵysqan bolatyn. Jol apaty saldarynan 1 adam kóz jumyp, 21 adam zardap shekti.
Bul avtobýs apatyna № 98 avtobýs júrgizýshisi kináli dep tanylyp, ol 2,5 jylǵa bas bostandyǵynan aıyryldy.
2023 jyly 22 jeltoqsanda № 47-shi baǵyttaǵy avtobýs júrgizýshisin jolaýshy uryp, saldarynan kólik basqarýsyz kúıde aıaldamada turǵan bir top adamdy basyp ketti.
Apat saldarynan 7 adam zardap shegip, 3 adam qaıtys boldy.
Sot sheshimimen jol apatyna kináli dep tabylǵan jolaýshy D. Ahmetjanov 8 jylǵa sottaldy.
2024 jyly 26 maýsym kúni № 18-shi baǵyttaǵy avtobýs apatqa ushyrap, bir adam qaza tapty. Bul jol-kólik oqıǵasyna jeńil kólikti basqarǵan «5:32» serıalynyń prodıýseri sebepker bolǵany habarlandy.
Bıyl 16 shilde kúni júk kóligi aıaldama kesheninde toqtaǵan № 137 avtobýsty soǵyp, saldarynan 9 jolaýshy zardap shekti.
Qalalyq polıtsııa departamenti qoǵamdyq kóliktiń jıi jol apatyna ushyraýyna jol erejesiniń saqtalmaýy sebep bolatynyn jetkizdi.
— Jol-kólik oqıǵasy jol erejesin saqtamaý saldarynan (júrgizýshilerdiń jyldamdyqty asyrýy, apattyq jaǵdaılar týyndaýy, araqashyqtyqty saqtamaý, alkogol nemese esirtki, psıhotropty zattar qabyldaý, jol belgilerine, baǵdarshamnyń nusqaýyna qaramaý) bolady. Avtobýs apatynyń aldyn alý maqsatynda Almaty qalasynda respýblıkalyq jáne jergilikti deńgeıde profılaktıkalyq is-sharalar júrgiziledi, — dedi qalalyq PD baspasóz qyzmeti.
Sondaı-aq Almaty polıtsııasy ótken aptada «Avtobýs» jedel aldyn alý sharasyn ótkizilgenin habarlady.
— Avtokólikpen jolaýshy men júk tasymaldaıtyn júrgizýshilerdiń kóliktik jáne eńbek tártibin arttyrý, tehnıkalyq aqaýy bar nemese qaıta jabdyqtalǵan jolaýshylar kóliginiń jumys isteýine jol bermeý, sondaı-aq zańsyz jolaýshylar tasymalynyń jolyn kesýdi qolǵa aldyq. Bul jumysqa múddeli memorgan ókilderi de, azamattyq qoǵam da barynsha atsalysýda, — dedi Almaty qalalyq PD ákimshilik polıtsııa basqarmasynyń bastyǵy Ashat Qulbaev.
Almaty ákimdiginiń málimetinshe, búgingi kúni qalada 22 jeke tasymaldaýshy men bir kommýnaldyq avtobýs parki qyzmet kórsetedi. Kúndelikti 2468 avtobýs jolǵa shyǵady.
Olardyń qoldanylý merzimi 7 jyldan aspaıdy jáne ortasha jasy — 3 jyl. Jalpy qalalyq qoǵamdyq kólik 1,5 mıllıonǵa jýyq jolaýshyǵa qyzmet kórsetedi.
Sońǵy 4 jylda jergilikti bıýdjet esebinen 1050 avtobýs jáne 100 trolleıbýs satyp alynǵan.
Almaty qalasynyń ákimdigi bıyl qosymsha 600 avtobýs, 100 elektrobýs jáne 112 trolleıbýs jetkiziletinin habarlaıdy.
Oǵan qosa, jyl sońyna deıin 400 jańa avtobýs satyp alý josparlanǵan.
Eske salaıyq, 19 shilde kúni Almaty máslıhatynyń sheshimimen qoǵamdyq kólikte jol aqysy kóterilip, qolma-qol tólem alyp tastaldy.