Ekologııa jáne qorshaǵan orta basqarmasynyń málimetinshe, qala turǵyndarynan kópqabatty úılerdiń aýlalaryn kógaldandyrý maqsatynda aǵash kóshetterin alýǵa ótinimder qabyldana bastady.
Naýqan aıasynda bir adamǵa 20-ǵa deıin kóshet (tegin) beriledi. Ótinish berýshi otyrǵyzylǵan aǵashtarǵa aldaǵy úsh jyl boıy kútim jasaý jóninde kepildik mindettemesine qol qoıýǵa tıis.
– Ótinim 2025 jyly 12 qazanǵa deıin qabyldanady. Kórsetilgen merzimnen keıin jiberilgen ótinim qabyldanbaıdy. Qatysý úshin zhasyl_aula_2025@bk.ru elektrondyq poshtasyna ótinim jiberý qajet, - dep habarlady basqarmadan.
Qosymsha aqparat alý úshin Almaty qalasynyń Ekologııa jáne qorshaǵan orta basqarmasynyń Jasyl qordy basqarý bólimine myna baılanys nómirleri arqyly habarlasýǵa bolady: 7 778 382 60 01, 7 727 338 31 06.
Eske salaıyq, bıyl kóktem kezinde de almatylyqtarǵa tegin kóshet taratý naýqany ótti.