Almatyda Aýǵan soǵysynyń ardagerleri tegin medıtsınalyq tekserýden óte alady

<p>ALMATY. KAZINFORM &ndash; Almatyda qalalyq qoǵamdyq densaýlyq saqtaý basqarmasynyń barlyq vedomstvolyq baǵynysty ambýlatorlyq-emhanalyq uıymynda Aýǵan soǵysynyń ardagerleri men múgedekterine arnalǵan Ashyq esik kúnderi ótedi. Іs-shara Keńes áskeriniń Aýǵanstan jerinen shyǵarylǵanyna 35 jyl tolýyna oraı uıymdastyrylady.&nbsp;</p>

Almaty ákimdiginiń málimetinshe, ardagerlerge kez kelgen medıtsınalyq jáne konsýltatıvtik medıtsınalyq kómek tegin kórsetiledi. Bul rette olar nevropatolog, kardıolog, oftalmolog, ortoped jáne basqa da dárigerlerdiń tekserisinen jáne EKG, FGDS, ÝDZ, zerthanalyq zertteýler sııaqty medıtsınalyq tekserýlerden óte alady. Tasymaldaýǵa jaramsyz múgedekter úshin úı jaǵdaıynda tekserýler uıymdastyrylady. 

«Mundaı is-shara jyl saıyn osy kúndi toılaý qarsańynda ótkizilip turady. Bul bizdiń ınternatsıonalıst jaýyngerlerimizdiń ómir súrý sapasyn jaqsartyp, aýrýdy erte anyqtaýǵa septigin tıgizeri sózsiz», - dedi Almaty qalasy qoǵamdyq densaýlyq saqtaý basqarmasynyń emdik-profılaktıkalyq qyzmet jáne monıtorıng, taldaý, tsıfrlandyrý men memlekettik qyzmetter bóliminiń meńgerýshisi Láılá Imanǵalıeva. 

Tekserý kezinde aýrýhanaǵa jatqyzý úshin irikteý júrgiziledi, kórsetkishter boıynsha kúndizgi statsıonarǵa nemese úıdegi statsıonarlar uıymyna joldama, shıpajaı men kýrortta emdelý úshin medıtsınalyq sebep boıynsha anyqtama beriledi. 

«Atalǵan qabyldaý týraly tolyq aqparat qalanyń medıtsınalyq uıymdarynyń saıttary men áleýmettik jelilerinde ornalastyryldy», - dep habarlady ákimdikte.