Almatyda Áýezov atyndaǵy Qazaq ulttyq drama teatrynyń 99-shy maýsymy ashyldy

<p>ALMATY. KAZINFORM &ndash; &laquo;Almaty Theatre&raquo; teatrynda Muhtar Áýezov atyndaǵy Qazaq ulttyq drama teatrynyń 99-maýsymynyń shymyldyǵy túrildi. Teatarda maýsymashar qoıylym retinde Ǵabıt Músirepovtiń &laquo;Qozy Kórpesh-Baıan Sulý&raquo; spektakli sahnalandy.</p>

Maýsymasharǵa arnalǵan baspasóz máslıhatynda Muhtar Áýezov atyndaǵy Qazaq ulttyq drama teatrynyń kórkemdik jetekshisi, Qazaqstan Respýblıkasynyń Eńbek Eri, KSRO jáne Qazaqstannyń halyq artısi Asanáli Áshimov óz tilegin bildirdi.

– Teatrdy uly adamdar bastaǵan. Sol ulylarymyzdyń izimen, solardyń salǵan jolymen bizdiń teatr aınymaı júrip kele jatyr. Osy dástúrdi jastarymyz jalǵastyryp ketse, sol baqytymyz Úlken teatrdyń 99 emes, 199 jyldyǵy da ótsin dep tileımin, - dedi Asanáli Áshimov.

Foto: Dosbol Atajan / Kazinform

Muhtar Áýezov atyndaǵy Qazaq ulttyq drama teatrynyń dırektory, Qazaqstannyń eńbek sińirgen qaıratkeri Erkin Jýasbek teatr ǵımaratynyń eki jylǵa jóndeý jumystaryna baılanysty jabylǵanyn aıtty.

– Teatr ǵımaraty jóndeý jumystaryna jabyldy, ol 2026 jyly aıaqtalady. Soǵan baılanysty erteńnen bastap Talǵar, Esik qalalarynda, qarasha aıynda Qaskeleń, Uzynaǵashta jáne Qonaev qalasynda spektakl qoıamyz. Sondaı-aq bıylǵy úlken úsh saparymyz – Aqtóbe, Qostanaı jáne kórshiles qyrǵyz eliniń astanasy Bishkek qalasynda bolady. Aıta ketken jón, teatrdyń jobalary men jańa qoıylym shyǵarýdyń ózi osy 2 jylda toqtaıdy. Óıtkeni kıim tigý úshin, dekoratsııa jasaıtyn tsehtarymyz ózimizdiń ǵımaratta qaldy. Sondyqtan negizgi mindetimiz – repertýarymyzdaǵy 70 spektakldi kórermenge kórsetý, - dedi teatr dırektory.

Foto: Dosbol Atajan / Kazinform

Saltanatty is-shara barysynda Qazaqstannyń eńbek sińirgen qaıratkeri, qoıýshy-rejısser Álimbek Orazbekov kitabynyń tusaýkeseri ótti. 

Eske salaıyq, buǵan deıin «Abaı» operasy Reseıdiń Úlken teatrynda sahnalanatynyn jazǵanbyz.