Almatyda aýdannyń burynǵy ákimi tenderge negizsiz kedergi keltirgen

<p>ASTANA. KAZINFORM - Almaty qalasynyń prokýratýrasy memlekettik satyp alýdy uıymdastyrý barysynda jergilikti atqarýshy organdar jiberetin zań buzýshylyqtardy anyqtady, dep habarlaıdy QR Bas prokýratýrasynyń baspasóz qyzmeti.&nbsp;</p>

Mysaly, memlekettik satyp alýǵa qatysýshylarda sáıkes ruqsattyń (lıtsenzııa) bolýyna qaramastan, tapsyrys berýshi (uıymdastyrýshy) olardyń konkýrstyq ótinimderin negizsiz keri qaıtarǵan, eger olar konkýrsqa jiberilgende, 100 mln. teńgeden astam bıýdjet qarajatyn únemdeýge bolatyn edi.

Kórsetilgen quqyq buzýshylyqtar úshin burynǵy aýdan ákimine 9.2 mln. teńge ákimshilik aıyppul salynyp, ákimshilik jaýapkershilikke tartyldy.

Sonymen qatar qala ákimdiginiń qurylymdyq bólimsheleriniń basshylaryna 43.3 mln. teńgege 161 aıyppul salynyp, ákimshilik jaýapkershilikke tartyldy.

Basqa jaǵdaıda, tapsyrys berýshilerdiń biri konkýrs jarııalaý kezinde taýarlardy, jumystardy jáne qyzmetterdi birtekti túrleri men olardy jetkizý orny boıynsha bólmegen, osylaısha iri kásipkerlerge artyqshylyq bere otyryp, shaǵyn jáne orta kásipkerliktiń áleýetti ónim berýshilerin konkýrsqa qatysýdan shektegen.

Prokýratýranyń qadaǵalaý aktisi boıynsha konkýrstyń kúshi joıyldy jáne memlekettik satyp alýǵa qatysatyn áleýetti ónim berýshilerdiń teń sharttary saqtalýyna sáıkes qaıta ótkizildi.

Jalpy, 2024 jyldyń basynan bastap prokýrorlardyń aktileri boıynsha 10 mlrd. teńgeden astam somanyń konkýrstary toqtatyldy.