Almatyda aýany mólsherden artyq lastaǵan kólik ıelerine aıyppul salynady

<p>ALMATY. KAZINFORM - Almaty qalasynyń ekologııa jáne qorshaǵan orta basqarmasy qalalyq polıtsııa departamenti jáne Tabıǵat qorǵaý prokýratýrasymen birlesip, jyljymaly ekologııalyq zerthana men 3 jyljymaly ekologııalyq beketti tarta otyryp, qaladaǵy kólikterden shyǵatyn ýly gaz ben tútininiń deńgeıin ólsheý boıynsha reıd jumystaryn júrgizip jatyr.&nbsp;</p>

Almaty ákimdiginiń málimetinshe, qalada júk, jeńil avtokólikter men avtobýstar tekserilýde.

«Almaty qalasy ákimdiginiń 2023 jylǵy 1 aqpandaǵy №1/56 qaýlysymen bekitilgen Avtokólik kólik quraldarynan shyǵaryndylardy ólsheýdi júzege asyrý jónindegi qaǵıdalarǵa sáıkes paıdalanylǵan gazdardyń ýyttylyǵy men tútininiń belgilengen normalarynyń saqtalýyna monıtorıng júrgiziledi. Benzın qozǵaltqyshtary bar avtokólikterdiń paıdalanylǵan gazdaryn ólsheý kómirsýtekterdiń, kómirtegi oksıdiniń, kómirqyshqyl gazynyń, otteginiń quramyna sertıfıkattalǵan «AVTOTEST-02.03» kóp komponentti gaz analızatorlarymen júrgiziledi. Dızeldi kólikterdiń paıdalanylǵan gaz tútinin META-01 MP 0.1(LTK,K) ólshegishiniń kómegimen tekseriledi», - dep habarlady Almaty ákimdiginiń baspasóz qyzmeti.

Shyǵaryndylarda lastaýshy zattardyń bolý normatıvterin buzǵany úshin kólik quraldarynyń ıeleri QR ÁQBtK–niń 334-baby («Shyǵaryndylarda lastaýshy zattardyń bolý normatıvterin asyra otyryp, avtomotokólikterdi jáne basqa da jyljymaly quraldardy paıdalaný») boıynsha ákimshilik jaýapqa tartylady, oǵan sáıkes jeke tulǵalarǵa-10 AEK, zańdy tulǵalarǵa-100 AEK mólsherinde eskertý nemese aıyppul kózdelgen. Jyl ishinde qaıtalanǵan jaǵdaıda avtokólik ıelerine jeke tulǵalarǵa – 20 AEK, zańdy tulǵalarǵa - 200 AEK mólsherinde aıyppul salynady.

«2023 jyly qalanyń perımetri boıynsha ornalasqan 19 statsıonarlyq ekopostta shamamen 213 011 ólsheý jumystary júrgizildi (benzın qozǵaltqyshymen - 206 492, dızel qozǵaltqyshymen – 6 519), olardyń ishinde ýly gaz ben tútinniń belgilengen deńgeıiniń artýy barlyq tekserilgen avtokólikterdiń 15,4%-nan anyqtaldy. 2023 jyly Almaty qalasy polıtsııa departamentiniń qyzmetkerleri 26 myńǵa jýyq ákimshilik hattama jasady. Jalpy somasy 207 414 000 teńgege aıyppul esepteldi, onyń ishinde 145 272 765 teńge (70% óndirip alý) óndirildi», - delinedi ákimdik habarlamasynda.