Almatyda aýa raıyna baılanysty reıster keshigip jatyr

<p>ALMATY. KAZINFORM &ndash; Almaty halyqaralyq áýejaıynda aýa raıynyń nasharlaýyna baılanysty birneshe ishki jáne halyqaralyq reıs keıinge shegerildi.</p>

Megapolıs áýejaıynyń onlaın tablosyna sáıkes, Almatydan Shymkentke, Astanaǵa, Atyraýǵa, Qaraǵandyǵa, Aqtóbege, sondaı-aq halyqaralyq baǵyttarǵa – Delı, Úrimshi jáne Seýlge ushatyn reıster keıinge shegerilmek. Sondaı-aq, elimizdiń birneshe qalasynan Almatyǵa ushatyn reıster keshigip jatyr.

«Megapolıstegi meteoahýaldyń qolaısyzdyǵyna baılanysty birqatar əýe reısi keshigip jatyr. Jolaýshylardan túsinistikpen qaraýdy suraımyz. Áýejaıdyń barlyq qyzmeti kúsheıtilgen rejımde jumys istep jatyr», - dep habarlady Almaty halyqaralyq əýejaıynan.

Almatyda tańerteń bastalǵan qar toqtaýsyz áli jaýyp tur. Qazgıdromettiń boljamy boıynsha, aýa temperatýrasy 17 aqpanda túnde jáne tústen keıin -14...-22 gradýs sýyq bolady.