Almatyda ardagerler alleıasy ashyldy
Almaty ákimdiginiń málimetinshe, sharaǵa soǵys, tyl ardagerleri men zeınetkerler qatysty. 100-ge jýyq japyraqty qaraǵash kósheti otyrǵyzyldy. Qatysýshylardyń aıtýynsha, mundaı bastamalar jastardy patrıotızmge tárbıelep, qorshaǵan ortaǵa jaýapkershilikpen qaraýǵa shaqyrady.
«Kez kelgen memlekettiń ál-aýqaty qarttar men balalarǵa degen kózqaraspen ólshenedi. Sondyqtan búgingi is-shara, ásirese Jeńistiń 79 jyldyǵy qarsańynda óte mańyzdy dep sanaımyn. Almatyda 43 soǵys ardageri, al eńbek maıdanyna qatysýshylar da kóp emes. Bizdiń Jetisý aýdanynda bir ardager Ilıa Kýdın Grıgorevıch turady. Men onyń búgin osy merekege qosylǵanyna óte qýanyshtymyn jáne rızamyn. Sondaı-aq, qala ákimdigine alǵysymdy bildirgim keledi. Alleıanyń ashylýy urpaqtardyń birigýine jáne patrıottyq qundylyqtardyń qalyptasýyna yqpal etedi dep sanaımyn», - dedi Jetisý aýdany ardagerler keńesiniń tóraǵasy Tamara Shákirova.
Zeınetker Qulshara Sıenova da Ardagerler alleıasynyń ashylýy týraly óz emotsııasymen bólisti.
«Men Otanymyzǵa qyzmet etkenderge dán rızamyn. Bizdiń qoǵamnyń olardyń erligin qurmettep, este saqtaǵanyn kórý men úshin maqtanysh. Bul alleıa árbir adam toqtap, oılanyp, mańyzdy sabaqtar men qundylyqtardy bolashaq urpaqqa jetkize alatyn orynǵa aınalady dep senemin», - dedi Qulshara Sıenova.
Búginde qalada 43 soǵys ardageri turady. Almaty ákimi Erbolat Dosaevtyń tapsyrmasy boıynsha ardagerlerge birjolǵy áleýmettik kómekti 1 mln teńgege ulǵaıtý týraly sheshim qabyldandy. Bul sheshimdi qala máslıhaty qoldady. 2024 jyly ardagerler 2 mln teńge kóleminde birjolǵy kómek alady.
Sonymen qatar Almaty dárigerleri Otan qorǵaýshylar kúni aılyǵy aıasynda maıdangerler úshin Check-up ótkizedi. Osy naýqandy ótkizý úshin árbir emhana ardagerlerge barý kestesin ázirledi.
Esterińizge sala keteıik, 8 sáýir men 8 mamyr aralyǵynda Almatyda «Almaty – bizdiń ortaq úıimiz» naýqany ótip jatyr.