Almatyda Almaty PASS biryńǵaı bıleti men týrıstiń pasporty iske qosylady

<p>Almatyda Recommended by Visit Almaty óńirlik standartyn engizý josparlanýda. Bul týraly qalanyń týrıstik tartymdylyǵyn arttyrýǵa arnalǵan baspasóz máslıhatynda Almaty Tourism Bureau basshysy Kamıla Luqpanova aıtty, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Spıkerdiń sózinshe, baǵdarlama kórsetiletin qyzmetterdiń sapasyn jaqsartý jáne týrıster aǵymyn arttyrý úshin sala sýbektilerin biriktirýge baǵyttalǵan. Sondaı-aq týrısterdiń Almatyda ýaqytty jaıly ótkizýine kepildik berýge jáne qalanyń qoljetimdi týrıstik ınfraqurylymy týraly habardarlyqty arttyrýǵa yqpal etedi.

«Sonymen qatar Almatyda týrıstiń Almaty PASS biryńǵaı bıleti iske qosylady. Ol baǵdarlamaǵa engizilgen kórikti jerler men ekskýrsııalarǵa erkin barýǵa jáne qalanyń mádenı jáne oıyn-saýyq nysandaryna barǵan kezde ýaqyt pen qarajatty 50% deıin únemdeýge múmkindik beredi», – deıdi ol.

Foto: Almaty qalasynyń ákimdigi

Baǵdarlamanyń taǵy bir ónimi – týrıstiń tólqujaty. Ony Visit Almaty aqparattyq ortalyqtarynan alýǵa bolady.

«Pasporttyń kómegimen týrıster Almatyda ońaı júrip-tura alady (qaıda, neni kórýge bolady), qalanyń negizgi kórikti jerlerine baryp, onda bolǵany týraly belgi qoıyp otyra alady. Sondaı-aq Almatyda meıramhanalar, kafeler, kofehanalar anyqtamalyǵynyń baspa nusqasyn qurý josparlanyp otyr», - dep atap ótti Kamıla Luqpanova.