Almatyda alǵashqy qar eritý pýnkti iske qosyldy

<p>ALMATY. KAZINFORM &mdash; Almatyda qar eritý pýnkti ashyldy. Onda ekologııalyq taza tehnologııamen qar eritilip, kádege jaratylady.</p>

Jańa pýnkt «Almaty Tazalyq» mekemesiniń kóktaıǵaqqa qarsy reagentteri saqtalǵan burynǵy bazasynda salynǵan. Qar eritý pýnkti sońǵy jyldary qardyń kóp túsýine jáne qalanyń ınfraqurylymyna júktemeniń artýyna baılanysty salynǵan.

Foto: Almaty ákimdigi

— Qar eritý pýnktiniń jumys protsesi qoldanystaǵy káriz jelisi arqyly keletin aǵyndy sýlardyń jylýyn paıdalanýǵa negizdelgen. Jyly sý qysymmen sorǵy qondyrǵylary jáne qubyrlar júıesinen ótip, qardy eritedi. Osydan keıin erigen sý súzgige túsedi, qum men qoqystardan tazartylady. Keıin qalalyq káriz jelisine jiberiledi. Pýnkttiń qýatylyǵy — táýligine 1200 tekshe metrge deıin qardy eritedi, — dep habarlady ákimdikten.

Jalpy qar eritý pýnktine Áýezov, Almaly jáne Bostandyq aýdandarynyń aýmaqtarynan qar jetkiziledi.

Eske salaıyq, buǵan deıin Almatyǵa qalyń qar túskenin jazǵanbyz.