Almatyda áleýmettik osal toptarǵa kommýnaldyq tarıf boıynsha ótemaqy tólenedi

<p>ALMATY. KAZINFORM - Almatyda kommýnaldyq qyzmet tarıfteriniń qymbattaýyna baılanysty halyqtyń áleýmettik osal toptaryna ótemaqy tólenedi. Bul týraly qalalyq jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov málim etti.</p>

Aıtýynsha, Almatyda halyqtyń áleýmettik osal toptaryna jatatyn 315 myń azamat turady. Osy turǵyndardy qoldaý aıasynda kóterilgen tarıfterdi óteý úshin ótemaqy tólenedi. Áleýmettik kómek mólsheri 0,75 AEK (2769 teńge.)

«HÁOT qosymsha áleýmettik qoldaý sharalaryn kórsetý jáne qarjylyq júktemeni azaıtý úshin qoldanystaǵy áleýmettik kómektiń mólsherin 2024 jylǵy 1 naýryzdan bastap, erejelerge tıisti ózgerister engize otyryp, 0,75 AEK (2769 teńgege) deıin arttyrý kózdelgen. Bıyl jergilikti bıýdjetten ótemaqy tóleý úshin 4,1 mlrd teńge bólindi», - dep atap ótti salalyq basqarmanyń basshysy.

Buǵan deıin Almatyda 1 naýryzdan bastap elektr energııasy qymbattaıtyny týraly jazǵan edik.