Almatyda áleýmettik nysandar jylýǵa 7 qazannan bastap qosylady
Almaty ákimdiginen málim etkendeı, 7-11 qazan aralyǵynda nysandardy ortalyq jylý júıesine qosý josparda. Birinshi kezekte, jylý áleýmettik mekemelerlerge, onyń ishinde balabaqshalarǵa, mektepterge jáne medıtsınalyq-áleýmettik nysandarǵa beriletin bolady.
«AlTS» JShS qazirdiń ózinde aınalym rejımin iske qosýǵa daıyn, bul qajet bolǵan jaǵdaıda jylý berýdi jedel bastaýǵa múmkindik beredi. Kommýnaldyq kásiporyn materıaldyq – tehnıkalyq bazadan bastap brıgadalarǵa arnalǵan arnaıy tehnıka men kıimge deıin barlyq qajetti zattarmen tolyq jabdyqtalǵan, olar yqtımal avarııalar men tehnologııalyq irkilisterdi joıýmen aınalysatyn bolady», - dep habarlady ákimdikten.
Bıyl jylytý maýsymyna daıyndyq aıasynda qalanyń alty aýdanynda 20 km jylý jelisi qaıta jańartyldy. Mamandar jelilerdi synaý men jóndeýdi aıaqtap, sorǵy jabdyqtaryn jańartty. Barlyǵy 69 sorǵy stantsııasy jáne 24 rezervýar-akkýmýlıator daıyndaldy, bul ystyq sý jelisindegi eń joǵary júktemelerdi teńestirýge múmkindik beredi.
«Aqaýlardy jedel joıý úshin 2024-2025 jyldarǵy jylytý maýsymynda qajetti apatty materıaldar men jabdyqtar qory jasalǵan. Apatty jaǵdaılar kenetten bolǵan kezde olardy joıýmen 16 apatty jáne jóndeý brıgadalary jumys jasaıdy, olardyń quramynda 220 adam men 56 tehnıka bar. Sondaı-aq, 33 ýchaskeniń paıdalanylatyn 7 aýdanyndaǵy 714 adam jumys isteýge daıyn», - dep atap ótti vedomstvodan.
Eske salsaq, Almatyda jylytý maýsymy ádette 15 qazannan bastalady. Bul kezde syrtqy aýanyń ortasha táýliktik temperatýrasy bes kún ishinde +8 gradýsqa deıin nemese odan tómen túsedi. Osydan keıin jergilikti atqarýshy organdar jylytý maýsymyn bastaý týraly sheshim qabyldaıdy. Ótken jyly jylý 10 qazannan bastap berilgen bolatyn.
Úkimet basshysy Oljas Bektenov aldaǵy jylytý maýsymyna daıyndyq barysynyń baıaý júrip jatqanyn aıta kele, birqatar tapsyrma berdi.