Almatyda aldaǵy jyldary 2000-nan astam qoqys konteıneri jańartylady

<p>ALMATY. KAZINFORM &mdash; Almatyda jyl basynan beri 128 alańda 650 kómilgen qoqys konteıneri ornatyldy. 2024 jyldyń aıaǵyna deıin 14 ýchaskede taǵy 136 konteıner ornatý josparlanǵan.</p>

Qala ákimdiginiń habarlaýynsha, bul konteınerlerdiń birqatar artyqshylyǵy bar: olar tolyǵymen jabyq, qańǵybas janýarlar men qustardyń kirýinen qorǵalǵan, jaǵymsyz ıisterdi ketiredi jáne aýla aýmaqtarynyń kórinisin jaqsartady.

— 2025-2026 jyldary qalada 2000-nan astam kómilgen konteıner ornatý josparlanyp otyr. Qazirgi ýaqytta jańa konteınerler Áýezov jáne Bostandyq aýdandarynda bar. Jetisý aýdanynda ornatylǵan keı konteınerge kelesi jyldan bastap tıisti tehnıka satyp alynǵannan keıin qyzmet kórsetiledi. Túrksib aýdanynda birneshe alańda tozǵan qoqys jáshikteri jańasyna aýystyryldy, — dep habarlady ákimdikten.

Foto: Almaty ákimdigi

Jalpy Almatyda turmystyq qaldyqtardy bólek jınaý úshin birqatar bastama iske asyrylyp jatyr. Atap aıtqanda, qaladaǵy mekemelerde 1200-den astam ekoboks ornatylǵan jáne plastık pen alıýmınııden jasalǵan bótelkelerdi qabyldaıtyn 11 fandomat jumys istep tur. 

Sondaı-aq, nan qaldyǵyn jınaý úshin 500 konteıner ornatylǵan.

Eske salaıyq, buǵan deıin Almatyda stıhııalyq qoqys ornyna jasyl aımaq salynǵanyn jazǵanbyz.