Almatyda aldaǵy eki kún boıy jaýyn jaýady

<p>ALMATY. KAZINFORM - Almatyda nóser jańbyr kezinde sý basýdy boldyrmaý úshin 465 arnaıy tehnıka men 820 jumysshy jumyldyrylady.</p>

Almaty ákimdiginiń málimetinshe, 9 sáýirde saǵat 16:00-den 20:00-ge deıin jaýyn-shashyn túsedi dep boljanyp otyr. 

«320 jumysshy men 96 arnaıy tehnıkanyń kúshimen sýdyń kedergisiz ótýin qamtamasyz etý maqsatynda aryq jelilerin, aryq ótkelderin jáne qoqysqa arnalǵan «oıyq jerge» tazalaý jumystary júrgizilýde. Jaýyn-shashyn kezinde sý basýdyń aldyn alý jáne problemalyq ýchaskelerde sýdyń kedergisiz ótýin qamtamasyz etý úshin shants quralymen jabdyqtalǵan 52 jedel mobıldi brıgadanyń kezekshiligi uıymdastyrylady. 2 myńnan astam qap qum daıyndaldy. Kúndiz 465 arnaıy tehnıka, 29 motopompa jáne 820 jol jumysshysy jumyldyrylady», - dep habarlady ákimdikte.

Sondaı-aq, ákimdikte aýa-raıynyń buzylýyna baılanysty júrgizýshilerge aǵashtardyń qulaý jáne elektr jelileriniń úzilý qaýpine baılanysty avtokólikti jol jıegine qoımaýǵa keńes berdi. Sý tasqynynyń aldyn alý úshin qala turǵyndarynan aryq pen kanaldy qoqysqa toltyryp, bitep tastamaýdy surady. Qandaı da bir aýmaqty sý bassa, jedel shara qoldaný úshin aýdan ákimdikterine júginýge nemese [phone] What’s app nómirine habarlama jazýǵa bolady.

Aıta keteıik, Qazgıdromet boljamy boıynsha erteń de jańbyr jaýady, kúndiz aýa temperatýrasy +17...+19°S bolady.