Almatyda adam qaǵyp, oqıǵa ornynan boı tasalaǵan kólik júrgizýshisi ustaldy

<p>Almatyda jaıaý júrginshi jolymen ótip bara jatqan er adamdy qaǵyp, oqıǵa ornynan qashyp ketken júrgizýshi ustaldy, dep habarlaıdy <a href="Kazinform" target="_blank" rel="noopener">Kazinform.</a></p>

Almaty qalalyq Polıtsııa departamenti baspasóz qyzmetiniń málimetinshe, 25 qarasha kúni tańǵy 04:15 mınýtta Alataý aýdanynda 29 jastaǵy jigitti kólik qaǵyp ketkeni týraly aqparat túsken. Jol apaty saldarynan zardap shekken adam aýrýhanada kóz jumdy. 

«30 jastaǵy R. esimdi azamat VAZ kóligimen Jumabaev pen Soltústik aınalma kósheleriniń qıylysynda 29 jastaǵy O. esimdi azamatty qaǵyp, oqıǵa ornynan qashyp ketken. Jaıaý júrginshi alǵan jaraqattary saldarynan aýrýhanada kóz jumdy. Іzdeý bóliminiń qyzmetkerleri jańa tehnologııalardy qoldana otyryp, qashyp ketken júrgizýshini anyqtady. Kúdikti qamaýǵa alyndy, - dedi Almaty qalalyq PD jergilikti polıtsııa qyzmeti basqarmasy bastyǵynyń orynbasary Serik Shýmaev.

QR QK-niń 201 babyna sáıkes ózge aqparat tergeý múddesine oraı jarııa etilmeıdi. 

«QR Konstıtýtsııasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady», - dep atap ótti ol.