Almatyda Abaı dańǵylynyń bir bóligi 25 kúnge jabyldy

<p>ALMATY. KAZINFORM &ndash; Almatyda Abaı dańǵylyn qala shekarasyna deıin uzartý jumystaryna baılanysty kólik qozǵalysyna ýaqytsha shekteý engizildi.</p>

Almaty ákimdiginiń málimetinshe, 2-25 qarasha aralyǵynda Qılybaı Medeýbekov kóshesi men uzartylyp jatqan Abaı dańǵylynyń qıylysynda kólik qozǵalysy shekteledi

Bul aýmaqty ońtústik baǵytta U.Qaramanov, Grýshovaıa, Stroıtelnaıa kósheleri arqyly, al soltústik baǵytta Stroıtelnaıa, Vınogradnaıa, U.Qaramanov kósheleri arqyly aınalyp ótýge bolady. Atalǵan ýchaskede eskertý belgileri qoıylady.

Eske salaıyq, Abaı dańǵylyn qala shekarasyna deıin uzartý jumystaryn osy jyldyń sońyna deıin aıaqtaý josparlanyp otyr. Qazir 600 metrlik sońǵy ýchaskede jumys qolǵa alynǵan, uzartylǵan joldyń uzyndyǵy 5,3 shaqyrym.

Osyǵan deıin Erbolat Dosaev Abaı dańǵylynyń qurylysy qarasha aıynda aıaqtalatynyn aıtqan edi. 

Budan bólek, ol Almatyda 72 jer ýchaskesi memleket qajettiligine májbúrli túrde alynatynyn aıtqan edi. 

Aıta keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram arnasynda, aýdan ákimdikteri men basqarmalardyń áleýmettik jelilerinde, sondaı-aq 2GIS jáne «ıAndeks kartalar» servısterinde kórsetilgen.