Almatyda Abaı dańǵylynyń bir bóligi 10 kúnge jabylady

<p>ALMATY. KAZINFORM - Almatyda Abaı dańǵylynyń uzartylýyna baılanysty kósheniń bir bóligi biraz ýaqytqa jabylady. Bul týraly Almaty qalasy ákimdiginiń baspasóz qyzmeti habarlady.</p>

Atap aıtqanda, 19 qyrkúıek kúni 23:00-den 29 qyrkúıek 23:00-ge deıin Alataý dańǵylynan Stroıtelnaıa kóshesine deıingi ýchaskede qozǵalys jabylady. Aınalma jol ońtústik baǵytta - Stroıtelnaıa, Qundyzdy, Sabdenov kóshelerimen, soltústikte - Stroıtelnaıa, Q.Medeýbekov, Bekeshev kóshelerimen qamtamasyz etiledi. Ýchaskede eskertý belgileri qoıylady.

Aıta ketken jón, uzartý jumystary júrip Abaı dańǵylynyń bóligin jyldyń sońyna deıin ashý josparlanǵan. Búgingi kúni 600 metr ýchaskede jumys júrgizilip jatyr, uzartýdyń jalpy uzyndyǵy - 5,3 km.

Eske salaıyq, Medeý aýdanynda Qurmanǵazy men Dostyq kósheleriniń qıylysynda qozǵalys shekteldi. 

Sondaı-aq Almatynyń keıbir kósheleri qazan aıyna deıin jabylatynyn jazǵanbyz.