Almatyda abattandyrý pasporty uǵymy engizildi

<p>ALMATY. KAZINFORM &ndash; Almatyda qalalyq máslıhattyń kezekten tys XXI sessııasy ótti. Kún tártibinde &laquo;Almaty qalasynyń aýmaǵyn kóriktendirý erejelerin bekitý&raquo; máselesi talqylandy.</p>

Almaty qalasy Kommýnaldyq ınfraqurylymdy damytý basqarma basshysy Dýlat Ashkenov qalada abattandyrý pasporty qujatyn engizýdi usyndy.

«Almaty qalasynyń aýmaqtaryn abattandyrý qaǵıdalarynyń basty maqsaty – qala aýmaǵyn keshendi jáne ornyqty damýyna yqpal etetin qaýipsiz, jaıly, ekologııalyq qolaıly jáne tartymdy qalalyq orta qurý. Máslıhat sheshimimen bekitilgen bul qaǵıdalar 4 taraý, 18 paragraf jáne 176 tarmaqtan turady. Onda abattandyrý pasporty uǵymy bar. Bul pasport irleges aýmaq pen nysan qasbetin kútip ustaýdyń mindetterin bekitý arqyly kásipkerlerdiń áleýmettik jaýapkershiligin kóterýge áser etedi. Pasport kásipkerlerdi óz aýmaqtaryn kútip ustaýǵa mindetteıdi», - dedi Dýlat Ashkenov.

Dýlat Ashkenov ákimshilik pasport eki taraptan qoldanysqa engiziletinin atap ótti. Onyń aıtýynsha, aýdan ákimshiligi men sýbekt qojaıyny ekiara qol qoıý arqyly qujatty bekitedi jáne kásipkerlerden ony alý úshin ózge artyq jumys talap etilmeıdi.

Sondaı-aq pikirtalas barysynda abattandyrý pasporty uǵymy 2013 jyly tamyz aıynda alyp tastalǵaly jeke menshik nysandarǵa irgeles aýmaqtardyń jaǵdaıy nasharlap ketkeni aıtyldy.

Qalalyq máslıhat depýtattary bul ózgeristi biraýyzdan qoldap, daýys berdi.