Almatyda 95 adam aǵzasyn aýystyrdy

<p>ALMATY. KAZINFORM &ndash;2023 jyly ońtústik astanada mindetti áleýmettik medıtsınalyq saqtandyrý esebinen kórsetilgen qyzmetterge 140 mlrd teńge jumsaldy. Bul týraly óńirlik kommýnıkatsııalar qyzmetinde ótken brıfıngte medıtsınalyq saqtandyrý qorynyń Almaty qalalyq fılıaly dırektory Tileýhan Ábildaev málim etti.</p>

Aıtýynsha, jyl saıyn medıtsınalyq saqtandyrý esebinen kardıohırýrgııa, neırohırýrgııa, ýrologııa, travmatologııa, onkologııa jáne taǵy basqa profılder boıynsha myńdaǵan operatsııa jasalyp jatyr.

Mundaı operatsııalar kúrdeliligine baılanysty kúndelikti qala emhanalary men men ǵylymı ortalyqtary deńgeıinde de oryndalýy múmkin.

«2023 jyly MÁMS arqyly 134 myńnan astam operatsııa jasalyp, oǵan 78 mlrd teńge tólengen. Onyń ishinde joǵary tehnologııalardyń kómegimen jasalatyn operatsııalar men manıpýlıatsııalarǵa Qor 21,7 mlrd teńge bóldi. Saqtandyrylmaǵan azamattar osyndaı operatsııalardy jasatatyn bolsa qaltasynan birneshe mıllıon tólegen bolar edi», - dep atap ótti Tileýhan Ábildaev.

Spıkerdiń sózinshe, byltyr 1841 kardıohırýrgııalyq, 562 neırohırýrgııalyq jáne lor-profıli boıynsha 250 operatsııa jasaldy.

«Sońǵy kezde artroz, artrıt syndy býyn aýrýlarynyń kóbeıýine baılanysty tize, jambas býyndaryn almastyrýshylar sany kúrt artqany belgili. 2023 jyly almatylyq travmatologtar osyndaı 4 670 operatsııa jasaǵan. Oǵan MSQ 6,9 mlrd teńge tóledi», - dedi fılıal dırektory.

Sonymen qatar, aǵza almastyrý operatsııalary da MÁMS paketi arqyly qarjylandyrylady.

«2023 jyly quny 565,6 mln teńgeden asatyn 95 transplantatsııa jasaldy. Mundaı bir ǵana otanyń ózi orta eseppen alǵanda 7-9 mln teńge turady. Osy qyzmetterdiń bárin saqtandyrylǵan azamattar MÁMS arqyly qıyndyqsyz paıdalanyp keledi»,- dedi ol.