Almatyda 92 baǵytta júretin avtobýstar jańartyldy

<p>ALMATY. KAZINFORM - Almatyda 24 qańtardan bastap 92 baǵytta jańa avtobýstar júre bastaıdy.</p>

"AlmatyElektroTrans" JShS-nyń málimetinshe, Golden Dragon markasynyń tómen edendi 12 metrli avtobýstary jolǵa shyǵady.

"Avtobýstar jaılylyqty arttyrýǵa jáne jolaýshylardyń qaýipsizdigi úshin arnalǵan zamanaýı tehnologııalyq jıyntyqpen jabdyqtalǵan. Sondaı-aq beıne tirkegishi bar. Jalpy syıymdylyǵy 113 oryn, onyń ishinde 28 otyratyn, 85 turýǵa arnalǵan oryndar. Buǵan deıin 92 baǵytta Zhong Tong markaly avtobýstar júretin", - dep habarlady kompanııanyń baspasóz qyzmeti.

Kompanııa, sondaı-aq, avtobýstardyń sany 22-den 25-ke deıin kóbeıgenin habarlady. Bul qoǵamdyq kólikti kútý ýaqytyn qysqartyp, servıs sapasyn jaqsartýǵa múmkindik bere túspek.