Almatyda 800-den astam volonter zeınetkerlerdiń aýlasyn tazalaýǵa kómektesti

<p>ALMATY. KAZINFORM &ndash; Almatylyq volonterler &laquo;Taza Qazaqstan&raquo; respýblıkalyq jáne &laquo;Almaty &ndash; bizdiń ortaq úıimiz&raquo; qalalyq naýqany aıasynda megapolıste jalǵyz turatyn zeınetkerlerge aýlalaryn tazalaýǵa kómektesti.</p>

Jumyspen qamtý jáne áleýmettik baǵdarlamalar basqarmasynyń málimetinshe, 866 erikti men qala turǵyndary ardagerler, jalǵyzbasty zeınetkerler, halyqtyń áleýmettik osal toptary turatyn 114 úıdi retke keltirdi. Jeke úılerdiń aýmaǵyn tazartyp, qorshaýlardy boıap, aǵash otyrǵyzdy.

Zeınetkerdiń úıi men aýlasyn tazartýǵa Alataý aýdany ákimdiginiń, Jumyspen qamtý jáne áleýmettik baǵdarlamalar basqarmasynyń qyzmetkerleri qatysty. Aıta keteıik, bul kómek zeınetkerlerge «Jaqynyńa kómektes» aktsııasy aıasynda kórsetilýde.

Foto: Almaty ákimdigi

Aktsııanyń maqsaty-qalanyń jeke sektorynda turatyn jalǵyzbasty zeınetkerler men erekshe qajettilikteri bar qart adamdardyń aýla aýmaqtaryn tazalaýǵa jáne abattandyrýǵa kómek kórsetý.

«Kórsetken kómek úshin shyn júrekten alǵys aıtamyn. Sizderge densaýlyq, beıbit ómir tileımen, rahmet»,- dep atap ótti aýdan turǵyny Pana Fedorovna.

Foto: Almaty ákimdigi

«Jaqynyńa kómektes» aktsııasy aıasynda eriktiler taǵy 93 úıge kómektesýdi josparlap otyr.
Esterińizge sala keteıik, 8 sáýir men 8 mamyr aralyǵynda Almatyda «Almaty – bizdiń ortaq úıimiz» naýqany ótip jatyr.

Árbir turǵyn qalanyń damýy men abattandyrylýyna óz úlesin qosa alady.

Foto: Almaty ákimdigi