Almatyda 72 jer ýchaskesi memleket qajettiligine májbúrli túrde alynady

<p>ALMATY. KAZINFORM &ndash; Rysqulov dańǵylyn uzartý úshin Alataý aýdanyndaǵy Ońǵarsynova kóshesinen qala shekarasyna deıin ornalasqan 72 jer ýchaskesi memleket qajettiligine májbúrli túrde alyndy.</p>

Memleket muqtajy úshin jer telimderin alyp qoıýǵa baılanysty jer telimderin nemese ózge de jyljymaıtyn múlikti májbúrlep ıelikten shyǵarýdy bastaý týraly qaýly Almaty qalalyq jer qatynastary basqarmasynyń saıtynda jarııalandy.

«Májbúrlep ıelikten shyǵarý merzimi 2026 jyldyń 31 jeltoqsanyna deıin belgilensin. Menshik ıeleri júginetin oryn Almaty qalasy, Bostandyq aýdany, Abaı dańǵyly, 90, 801 keńse»,- delingen qujatta.

Budan bólek, jer telimderiniń ıelerine zańda belgilengen tártippen ótemaqy tólenetini aıtylǵan. Jalpy tizimge Alǵabas jáne Terekti shaǵyn aýdandarynda ornalasqan 72 jer ýchaskesi engen. Tolyq tizimmen myna silteme boıynsha tanysýǵa bolady.

Buǵan deıin Almaty ákimdigi T. Rysqulov dańǵylyn qala shekarasyna deıin uzatý kartasyn kórsetken edi.