Almatyda 7 jastaǵy ógeı qyzyn óltirgen qoǵam belsendisine sot úkim shyǵardy
12:50, 18 Naýryz 2024
<p>ALMATY. KAZINFORM – Almatynyń qylmystyq ister jónindegi mamandandyrylǵan aýdanaralyq sotynda qoǵam belsendisi Baljan Turlybekke qatysty úkim shyqty.</p>
Sottalýshynyń qylmystyq áreketteri kýágerlerdiń aıǵaqtarymen, saraptama qorytyndysymen dáleldendi.
Prokýror QR QK 99-baby 3-bóligi boıynsha sottalýshyǵa 20 jyl bas bostandyǵynan aıyrý jazasyn taǵaıyndaýdy surady.
Sottalýshy taǵylǵan aıypty ishinara moıyndady.
«Sot úkimimen Baljan Turlybek kináli dep tanyldy, oǵan 20 jyl merzimge bas bostandyǵynan aıyrý jazasy taǵaıyndaldy. Sottalýshyǵa qatysty aýyrlatatyn jáne jeńildetetin mán-jaılar anyqtalǵan joq»,- dep habarlady sottan.
Sot úkimi zańdy kúshine engen joq.
Eske salaıyq, jeti jastaǵy qyz 2023 jyldyń shilde aıynda kisi qolynan qaza tapqan edi.
Kúdikti retinde ógeı anasy tanylǵan.