Almatyda 7 mamyr qalaı toılanady

<p>ALMATY. KAZINFORM &mdash; Almatyda Otan qorǵaýshylar kúni birqatar is-shara ótedi. Merekelik baǵdarlama qalanyń barlyq aýdany men ashyq alańdarda uıymdastyrylady.&nbsp;</p>

Almaty ákimdigi usynǵan málimetke sáıkes, Otan qorǵaýshylar kúni qarsańynda megapolıstiń barlyq mektebinde «Erlik sabaqtary», synyp saǵattary, oqyrmandar men esse baıqaýlary ótedi.

Sonymen qatar merekelik is-sharalar qalanyń barlyq aýdanynda uıymdastyrylady:

- Áýezov aýdanynda 3 mamyr kúni saǵat 10:00-de B.Momyshuly atyndaǵy Almatydaǵy «Jas ulan» respýblıkalyq áskerı mekteptiń bazasynda «Urandy eldiń urpaǵy qaısar» merekelik is-sharasy ótip, teatrlandyrylǵan qoıylym kórsetiledi. 

- Túrksib aýdanynda 6 mamyr kúni saǵat 15:00-de QR Qurlyq áskerleri Áskerı ınstıtýtynyń bazasynda kórkemóner ujymdary men áskerı bólimderdiń qatysýymen kontsert ótedi.

- Naýryzbaı aýdanynda 6 mamyr kúni Aqjar shaǵyn aýdanynda Dáýletkereı kóshesi 178, 2027 áskerı bóliminiń aýmaǵynda saǵat 10:00-de áskerı qyzmetshilerdi marapattaý jáne sarbazdardyń ant qabyldaý rásimi bolady.

- Bostandyq aýdanynda 7 mamyr kúni saǵat 09:00-de Popov 1a mekenjaıynda «El erteni-búgingi jastary» atty saltanatty is-shara ótedi. Іs-shara barysynda áskerı qyzmetshilerdi marapattalyp, qonaqtar úshin saptyq marsh uıymdastyrylady.

- Almaly aýdanynda 6 mamyrda saǵat 11:00-de №120 gımnazııada «Jas sarbaz» (9-11 synyptar arasynda) áskerı-sporttyq oıyndarynyń jarysy ótedi. 6 mamyrda saǵat 13:00-de №55 JBBM-de (7-9 synyptar arasynda) Sap jáne án baıqaýy bolady.

- Jetisý aýdanynda 7 mamyr kúni saǵat 11:00-de Raıymbek dańǵyly, 235 (Ortalyq zırat) mekenjaıyndaǵy «Belgisiz sarbazdyń qabiri» eskertkishine gúl shoqtary qoıylady.

- Alataý aýdanynda 7 mamyr kúni saǵat 11:00-de aýdan ákimdigi ǵımaratynyń aldynda «Er esimi – El esinde» eskertkishine gúl shoqtary qoıylady.

Aıta keteıik, Almaty qalasynda Ekinshi dúnıejúzilik soǵysqa qatysqan 40-tan astam ardager qaldy. Olardyń árqaısysyna Jeńis kúnine oraı 2 mıllıon teńgeden beriledi.