Almatyda 500-den astam dron shoý uıymdastyrdy
21:37, 25 Qazan 2024
<p>ALMATY. KAZINFORM — Almatyda Respýblıka kúnin merekeleý aıasynda Abaı alańynda drondar shoýy ótti.</p>
Respýblıka kúnine arnalǵan merekelik is-shara qala turǵyndary men qonaqtary úshin tańǵajaıyp kórinis usyndy. Shoý shamamen 20 mınýtqa sozyldy, ony 15 myńǵa jýyq almatylyq tamashalady.
Aspanǵa bir mezette 500-den astam dron ushyp, ulttyq mádenıet elementteri men el tarıhyndaǵy mańyzdy sátterdi beıneleıtin erekshe baǵdarlamany usyndy. Atap aıtqanda, Qazaqstannyń geografııalyq kartasynan bastap, Memlekettik tý, kıiz úı, Altyn adam, alma, qyzǵaldaq jáne ózge de beıneler kórsetildi.
Eske salaıyq, buǵan deıin Almatyda Respýblıka kúnine oraı Memlekettik tý kóterilgenin jazǵanbyz. Memlekettik týdyń kólemi 98 sharshy metr, bıiktigi 40 metr boldy.
Sondaı-aq Respýblıka kúnine oraı «Kóktóbe» telemunarasynda merekelik sáýlettik jaryqtandyrý qosyldy.