Almatyda 43 myńnan astam adam baspana kezeginde tur
«Qazir qalada 43 448 adam úıge kezekte tur. Kópbalaly analardan 7 546 adam, jetim balalardan — 2330, áleýmettik osal toptardan — 18468, bıýdjettik uıym qyzmetkerlerinen 15 104 adam bar», — dep habarlady basqarmadan.
Vedomstvo málimetinshe, jyl basynan beri 2 726 azamat turǵyn úımen qamtamasyz etildi.
«Atap aıtar bolsaq, 1 080 — kezekte turǵandarǵa arnalǵan kommýnaldyq turǵyn úı qorynan jaldamaly turǵyn úı, 1 348 — jumys isteıtin jastarǵa satyp alý quqyǵynsyz jaldamaly turǵyn úı, 226 — 2% jáne 5% jeńildetilgen nesıe baǵdarlamalary arqyly turǵyn úı alǵandar, 72 — «Almaty jastary» baǵdarlamasy boıynsha. Sonymen qatar, 169,3 mln teńgege 148 turǵyn úı sertıfıkaty berildi», — dep atap ótti qalalyq kommýnaldyq ınfraqurylymdy damytý basqarmasy.
Osyǵan deıin «Almaty jastaryna» ótinim bergen 2 myńǵa jýyq jas baspanaly bolǵany týraly jazǵan edik.
Eske salaıyq, nesıeniń eń joǵary somasy — 18 mln teńgege deıin. Syıaqy mólsherlemesi — 5, bastapqy jarnasy — 10 paıyz.
Qatysýshynyń jańa salynǵan nemese qoldanystaǵy turǵyn úı naryǵynan úı tańdaý múmkindigi bar.