Almatyda 4 myńnan astam alma aǵashynyń kósheti otyrǵyzyldy
Jasyl jelek qalanyń barlyq aýdanynda egildi. Jańa Saın kóshesiniń shyǵysy Úlken Almaty kanaly boıyndaǵy saıabaqta ótken sharaǵa qala basshysy Erbolat Dosaev qatysty. Megapolıs turǵyndary, qoǵam qaıratkerleri men ekobelsendiler birlesken naýqanda Alataý aýdanynyń aýmaǵyna 500 alma men 500 órik kósheti otyrǵyzyldy.
Mundaı alma baq 2270 kóshet otyrǵyzylǵan «ALA» saıabaǵynda da paıda boldy. Boraldaı ózeniniń boıyndaǵy baqylaý alańyna taǵy myńǵa jýyq qatty aǵash kóshetteri egildi.
Qalanyń ár túkpirinde aýdan ákimdikteri alma alleıalaryn otyrǵyzdy. Onda barlyǵy 1245 jemis, 90 japyraqty aǵash pen 2600 buta bar.
Sondaı-aq aǵashtar men butalar myna mekenjaılarda otyrǵyzyldy:
Alataý aýdany: dástúrli óner teatrynyń janynda, «Mádenıet» turǵyn úı kesheni, 13-shaǵyn aýdany, «Saıaly-2» shaǵyn aýdany;
Almaly aýdany: Gandı saıabaǵynda, «AZTM» saıabaǵynda, Tóle bı kóshesiniń boıymen (Varlamova kóshesinen Volhovskaıa kóshesine deıin), A.Baıtursynov atyndaǵy saıabaq, «Qaraǵaıly» saıabaǵy;
Áýezov aýdany: 5-shaǵyn aýdandaǵy saıabaqta, Jandosov kóshesiniń boıymen Saın dańǵylynan Qarǵaly ózenine deıin;
Bostandyq aýdany: Tuńǵysh Prezıdent saıabaǵy, Tsırk mańy, H.Erǵalı ózeniniń jaǵalaýynda, «Nur Alataý», QazUÝ janyndaǵy saıabaqta, Ǵabdýllına kóshesiniń boıy, Abaı dańǵyly boıyndaǵy bólý jolaǵynda. (Almaty qalasy Turǵyt Ózal kóshesinen Úlken Almaty ózenine deıin);
Jetisý aýdany: «Kókjıek» shaǵyn aýdanyndaǵy saıabaq, Serikov kóshesi 2a boıyndaǵy ákimdik janyndaǵy saıabaq;
Medeý aýdany: Esentaı ózeniniń boıyn (ál-Farabı dańǵyly men Jamaqaev kóshesiniń arasy), Almaty haıýanattar baǵy aýmaǵyda, Shýhov saıabaǵynda;
Naýryzbaı aýdany: «Qalqaman», Aqjar saıabaǵy;
Túrksib aýdany: «Balalar» saıabaǵy, Seıfýllın dańǵyly men Rysqulov dańǵylyndaǵy jasyl aımaqta otyrǵyzyldy.
Almaty ákimdiginen atap ótkendeı, «Almaty – baqsha qala» aktsııasyna qatysýshylar kógaldandyrýǵa jáne qorshaǵan ortany saqtaýǵa óz úlesterin qosyp qana qoımaı, shyǵarmashylyq konkýrstar men belsendi oıyndarǵa qatysty.
Aıta keteıik, Memleket basshysy Qasym-Jomart Toqaev «Taza Qazaqstan» respýblıkalyq ekologııalyq aktsııasy aıasynda uıymdastyrylǵan jalpyqalalyq senbilikke qatysyp, elordadaǵy «Ulytaý» alleıasynda aǵash otyrǵyzdy.