Almatyda 4 myńǵa jýyq shetel azamaty kóshi-qon zańnamasyn buzǵan
Almaty qalalyq polıtsııa departamentiniń kóshi-qon qyzmetiniń málimetinshe, jyl basynan beri qalaǵa 23 myńǵa jýyq sheteldik kelgen.
– Almaty – ınfraqurylymy damyǵan, ózindik mádenıeti bar shahar, sondyqtan alys, jaqyn elderden kelgen sheteldikterdiń qyzyǵýshylyǵyn oıatady. Kóshi-qon aǵyny jyl saıyn artyp keledi. Bul ekonomıkaǵa oń áserin tıgizse de, qylmystyq jaǵdaıǵa keri áserin tıgizip jatyr. ıAǵnı, quqyq buzýshylyq sany ósip keledi. Aýyr qylmys tirkelýde. Máselen, Almatynyń Túrksib aýdanynda shetel azamaty óziniń tanysyn óltirgen. Al Medeý aýdanynda Úndistan men Pákistannyń eki azamaty sıntetıkalyq esirtki shyǵaratyn zerthana uıymdastyrǵan. Sheteldik stýdentterdiń qatysýymen bolatyn tóbelester de kóptep kezdesedi, – dedi Almaty qalalyq polıtsııa departamentiniń kóshi-qon qyzmeti basqarmasynyń bastyǵy Ashat Býtýnchınov.
Onyń aıtýynsha, Almatyda QR Kóshi-qon zańnamasyn buzýshylyqtardy anyqtaý jáne jolyn kesý maqsatynda turaqty túrde jedel-profılaktıkalyq is-sharalar ótip keledi. Mysaly, jyl basynan beri Qazaqstannyń kóshi-qon zańnamasyn buzǵan 8 myńnan astam adam ákimshilik jaýapqa tartylsa, onyń 4 myńǵa jýyǵy sheteldikter. Jalpy, sot sheshimimen 682 sheteldik elden shyǵaryldy. Osyǵan baılanysty Almaty polıtsııasy elge keletin shetel azamattaryna QR zańnamasyn qatań saqtaý qajettigin eske saldy.
Buǵan deıin Almatyda zańsyz júrgen Afrıkanyń 15 azamaty elden shyǵarylǵanyn jazǵanbyz.
Sondaı-aq Almatyda esirtki daıyndap, taratqan Pákistan, Úndistan azamattary ustalǵan bolatyn.