Almatyda 35 zańsyz mıgrant deportatsııalandy

<p>ALMATY. KAZINFORM &ndash; Qalalyq polıtsııa departamentiniń qyzmetkerleri 35 zańsyz kelimsekti Otanyna qaıtarǵan. Polıtseıler olardy &laquo;Quqyqtyq tártip&raquo; respýblıkalyq jedel-aldyn alý is-sharasy barysynda anyqtady.</p>

Polıtsııa departamentiniń habarlaýynsha, deportatsııalanǵan mıgranttar - Ózbekstan, Tájikstan jáne Reseı Federatsııasynyń azamattary. Olardyń ishinde 21 shetel azamaty Qazaqstannan óz betinshe shyǵý týraly sot sheshimin oryndamaǵany úshin ustalǵan.

«Іs-shara bastalǵaly 832 kóshi-qon zańnamasyn buzýshy ákimshilik jaýapkershilikke tartylyp, 83 sheteldik Qazaqstannan shyǵaryldy. Qazaqstan Respýblıkasynda bolý erejelerin buzǵany úshin 319 sheteldik jaýapkershilikke tartyldy. Sheteldikterdiń QR-da bolýynyń zańdylyǵyn qamtamasyz etý sharalaryn qoldanbaǵany úshin 177 qabyldaýshy tarapqa aıyppul salyndy. Qazaqstan Respýblıkasyna sheteldik jumys kúshin tartý erejelerin buzǵan 23 jumys berýshi jaýapkershilikke tartyldy. Polıtsııa departamentiniń qabyldap-taratýyna jeke basyn kýálandyratyn qujaty joq 171 sheteldik ornalastyryldy», - dep habarlady Almaty qalalyq PD Kóshi-qon qyzmeti Basqarmasynyń bastyǵy, polıtsııa polkovnıgi Ashat Býtýnchınov.