Almatyda 30 myńnan astam avtokólik turaǵy salynady – Erbolat Dosaev
Jıyn barysynda «Parkýr» kompanııasynyń ókili qaladaǵy avtoturaqtardyń jumysyn jaqsartý boıynsha ákimdikpen birlese jumys isteýge usynys jasady.
«Biz álem boıynsha jeke jáne mýnıpıtsıaldyq turaqtardyń nómir birinshi operatorymyz dep aıta alamyn. Biz sizdermen memlekettik jekemenshik áriptestik aıasynda qarym-qatynas ornatsaq deımiz. Bizde sizderge usynar qyzyqty jobalarymyz bar. Ol qala úshin jaqsy sheshim bolar edi dep oılaımyn», - dedi Azamat esimdi kompanııa ókili.
Almaty ákimi Erbolat Dosaev jeke kompanııalardyń qoldaýyna qarsy emestigin jetkizdi.
«Biz jeke kompanııalardyń qoldaýyna qarsy emespiz, eger ol almatylyq kompanııa bolsa tipti jaqsy. Bizde qazir «Almaty parkıng» kásiporny damý satysynan ótip jatyr, sebebi, bizde jańa avtouraqtar salynýy tıis. Ókinishke oraı, bul baǵyttaǵyv jumystar ońaı emes, sebebi, biz buryn jeke avtouraqtar úshin berilip ketken jerlerdi qaıtarý jumystaryn júrgizip jatyrmyz. Sondaı-aq bizde elektrli avtolkólikterdi paıdalaný men satyp alý sany ósken. Sol sebepti bizge elektrlik janarmaı quıý stantsııasyn salý boıynsha óte kóp usynystar túsip jatyr. Al avtoturaqtar men jeke tájirıbesi boıynsha jeke kompanııalarǵa sheshim shyǵarýdyń qajeti joq, sebebi bul rette tek memlekettik jekemenshik áriptestik, servıstik kelisimshart jáne taǵy basqa qujattar ǵana bolady», - dedi Erbolat Dosaev.
Ol sondaı-aq tujyrymdama boıynsha aladǵy ýauytta Almaty qalasynyń kóliktik qurylymynyń bas josparyn qalyptastyrý aıasynda málimetter beriletinin aıtty.
«Qalanyń tek tarıhı ortalyǵynda emes, sonymen birge qalanyń barlyq aýdanyn qosqanda 30 myńnan astam avtoturaq salynady. Tek osydan keıin biz qaı operator qandaı ekonomıkalyq talapqa jumys isteýge daıyn ekendigi týraly sóılesetin bolamyz. Eger sizben kezdesip, sóılesý kerek bolsa men nusqaý bereıin, múmkindik bolsa naýryz merekesine deıin, kelesi dúısenbide sizben kezdesýge tyrysamyz», - dedi qala ákimi.