Almatyda 3 tamyzdan bastap jol aqysy 120 teńge bolady

<p>ALMATY. KAZINFORM &mdash; Almatyda qalalyq máslıhatpen kelisilgen jáne sarapshylarmen belsendi talqylanǵan qoǵamdyq kólikte júrýge 120 teńge <a href="https://kaz.inform.kz/news/almatida-kogamdik-kolkte-zhol-zhuru-akisi-koterlp-kolma-kol-tolem-alip-tastaldi-bcbe8a/" target="_blank" rel="noopener">tarıf</a> 3 tamyzdan bastap kúshine enedi.</p>

Ákimdiktiń qaýlysyna sáıkes, 3 tamyzdan bastap jol aqysyn qolma-qol aqshamen tóleý múmkindigi alynyp tastalady. Bul shara, eń aldymen, tasymaldaý qaýipsizdigin qamtamasyz etýge baılanysty, óıtkeni avtobýs júrgizýshisi aqsha jınaýǵa alańdamaı, tek kólik quralyn basqarýy kerek.

Foto: Almaty ákimdigi

Qalalyq mobıldilik basqarmasy búginde jolaýshylardyń 97% - dan astamy jol aqysyn qolma-qol aqshasyz tóleıtinin atap ótti.

Qala turǵyndary men megapolıs qonaqtaryna qolma qol aqshasyz esep aıyrysýdyń birneshe ádisi qol jetimdi:

- Onay fılıaldarynda jáne 115 klıentterge qyzmet kórsetý oryndarynda satyp alýǵa bolatyn kólik kartasy arqyly;

- uıaly telefonnyń SMS arqyly;

- mobıldi qosymsha arqyly (sheteldik qonaqtarǵa yńǵaıly bolý úshin ınterfeısti aǵylshyn tilinde engizý pysyqtalýda).

Budan basqa, jol júrý aqysyn elemeý faktilerin qysqartý maqsatynda jolaýshylardyń qamtylýyn tekserý, sondaı-aq júrgizýshi quramy tarapynan buzýshylyqtardy tirkeý úshin biryńǵaı baqylaý qyzmetin qurý týraly másele qaralady.

Sondaı - aq 3 tamyzdan bastap jol júrý bıletteriniń kelesi quny belgilenedi: 

o aılyq jol júrý bıleti - 9 900 teńge; 
o stýdenttik aılyq jol júrý bıleti - 4 200 teńge;
o mektep aılyq jol júrý bıleti - 2 000 teńge;
o zeınetaqy aılyq jol júrý bıleti - 3 000 teńge.

Esterińizge sala keteıik, azamattardyń kelesi sanattaryna tegin jol júrý usynylady: Soǵys ardagerleri, 75 jastan asqan zeınetkerler, 1-shi, 2-shi toptaǵy múgedekter, 18 jasqa deıingi múgedek balalar, saıası qýǵyn-súrgin qurbandary jáne basqa memleketterdiń aýmaǵyndaǵy áskerı qımyldardyń ardagerleri.

Sondaı-aq, azamattardyń 4 sanaty úshin tarıftiń 50% - y túrindegi jeńildik saqtalady: stýdentter, jasyna baılanysty zeınetkerler, kóp balaly analar, múgedek balalarmen birge júretin adamdar. 

Jalpy, Almaty qalasynyń mobıldilik basqarmasy retteýshilik modeldiń jáne jańa tarıftik usynystyń jobasyn ázirlep jatyr. Onyń aıasynda qala turǵyndary men qonaqtaryna qoǵamdyq kólik qyzmetterin paıdalanýdyń yńǵaılylyǵy úshin, onyń ishinde tegin aýysyp otyrý múmkindigimen túrli jol júrý abonementteri usynylatyn bolady.

Aıta ketý kerek, Almaty ákimdigi aǵymdaǵy jyly qosymsha 600 avtobýs, 112 trolleıbýs jáne 100 elektrobýs satyp alýdy josparlap otyr. Sonymen qatar, jeke tasymaldaýshylar 400-ge jýyq jańa avtobýs pen 15 elektrobýs satyp alýdy josparlap otyr. Qabyldanǵan sharalar 2024 jyly ekologııalyq taza kóliktiń úlesin 70% - ǵa deıin arttyrýǵa múmkindik beredi, bul rette avtobýstardyń ortasha jasy 3 jyl.