Almatyda 24 avtonomdy kitaphana iske qosyldy
«Almaty qalasynyń ortalyqtandyrylǵan kitaphana júıesiniń» dırektory Meıram Bektembaevtyń sózinshe, osyndaı 24 derbes kitaphana toǵyz metro stantsııasynda ornatyldy. Sondaı-aq megapolıstegi iri saýda úıleri men Medeý jáne Túrksib aýdandarynyń jastar komıýnıtı-ortalyqtarynda jumys istep tur.
– Osy avtomattardyń kómegimen oqyrmandar dástúrli kitaphanaǵa barmaı-aq kitaptardy tańdap, ala alady. Sondaı-aq ádebıetterdi 24 avtomattyń kez kelgenine nemese qalalyq kitaphanalar fılıalyna qaıtara alady. Ol úshin oqyrman bıleti bolýy kerek. Eger ol bolmasa, tirkeýden ótip, «qala oqyrmandary klýbyna qosylýǵa» bolady. Arnaıy bul úshin apparattardyń janynda barlyq tirkelgisi kelgen oqyrmandardy tirkep, bılet bere alatyn kitaphana qyzmetkerleri ýaqytsha jumys isteıtin bolady, – dedi spıker ÓKQ ótken baspasóz máslıhatynda.
Almaty mádenıet basqarmasyna qarasty kitaphanalardyń barlyq jumysy avtomattandyrylǵan. 1,3 mıllıonnan astam kitapty quraıtyn búkil kitap qorynyń biryńǵaı esebi quryldy.
Qyzmetkerler elektrondy katalog júrgizedi. Ádebıetterdiń kimniń qolynda ekenin jedel qadaǵalaıdy. Bul qyzmet kórsetýdi edáýir jyldamdatady. Kitaptar men olardyń qoljetimdiligi týraly barlyq aqparat biryńǵaı málimetter bazasynan alýǵa bolady. Al qorlardy paıdalaný statıstıkasy qyzmetkerlerge ádebıetke degen suranysqa taldaý jasaýǵa kómektesedi.
2024 jyly qalalyq kitaphanalarǵa 3 mıllıonnan astam kelýshiler tirkelgen. Aıta keteıik, qala kitaphanalarynyń 95%-y jańǵyrtylǵan.
Aıta keteıik, Almatyda táýlik boıy jumys isteıtin kitaphanalar bar.
Eske salaıyq, 2023 jyldyń maýsym aıynda Túrkistanda ótken «Ádiletti Qazaqstan – Adal azamat» ulttyq quryltaıynyń ekinshi otyrysy barysynda Qasym-Jomart Toqaev 24/7 (táýligine 24 saǵat, aptasyna 7 kún) rejımde jumys isteıtin kitaphana qurý ıdeıasyn aıtqan bolatyn.